Estrutura e penetración dos medios dixitais no espazo da lusofonía

Resumo

Esta investigación presenta os resultados dunha análise da estrutura e penetración dunha mostra de medios tradicionais e novos medios dixitais na área da lusofonía. No xeral, tómanse como referencia os máis destacados indicadores da sociedade da información e a observación da fenda dixital no espazo diverso e multicultural da lusofonía. E no concreto, estúdase a penetración e a estrutura dos principais medios de comunicación tradicionais xunto cos chamados medios dixitais e sociais (a tamén denominada Web 2.0), nas súas proxecións de luces e sombras. Os prognósticos da sociedade da información e a comunicación requiren tamén, no ámbito social, a súa respectiva ponderación a través dos contrastes do desenvolvemento, da fenda e a alfabetización dixital, da diversidade e a multiculturalide, da intercomunicación e a interactividade e da mediación e a remedición social.